"सत्यम्" कंपनीचा संस्थापक रामलिंगम् राजू याने केलेला कोट्यवधी रुपयांचा घोटाळा सध्या चर्चेत आहे. त्या अनुषंगाने "मेटास्" या कंपनीचे नावही येत असते. ही कंपनी "सत्यम्" च्या रामलिंगम राजू यांच्या मुलाची आहे म्हणे!

या सर्व प्रकारांत माझ्या एक गोष्ट लक्षांत आली. आपल्याही ती लक्षांत आली असावी. ती म्हणजे "सत्यम्" चे इंग्रजी स्पेलिंग Satyam असे आहे. त्यांतील अक्षरे बरोब्बर उलट्या क्रमाने लिहिल्यास Maytas "मेटास्" हे नाव तयार होते.

हा अर्थातच योगायोग म्हणता येणार नाही.

"मेटास्" हे नाव का निवडले असावे याबद्दल माझे काही अंदाज :
१) "मेटास्" हे नाव ज्योतिषाला विचारून ठरवण्यांत आले असावे. डबघाईला आलेल्या "सत्यम्" ला नावाचे उलटे स्पेलिंग असलेली कंपनीच तारू शकेल असा सल्ला ज्योतिषाने दिला असावा.
२) घोटाळे करून मोठा हात मारण्याचा उद्देश असलेल्या रामलिंगम् राजूला "सत्यम्" नावाखाली खोटेपणा करणे प्रशस्त वाटले नसावे. (पहा सत्याची ताकत किती आहे ते!)
३) "सत्यम्"चीच अक्षरे उलटी करून घोटळ्यांबरोबरच पब्लिकला xx बनवण्याचा खोडकर विकृत विचार रामलिंगम् राजूच्या मनात असावा.

आपणास काय वाटते ?