बातमी उत्साहवर्धक आहे हे नक्की.. मात्र् हे तांत्रिकदृष्ट्या नक्की कसे काम करते हे अजून लक्षात आले नाहि. मोबाईल फक्त चालु/बंद बटण (स्वीच) सारखा काम करतो किंवा कसे?

कुणाला तांत्रिकदृष्ट्या कार्यप्रणालीवरयाधिक प्रकाश टाकता येईल का?

ऋषिकेश
------------------
आयुष्य हे चुलीवरल्या कढईतले कांदेपोऽहे

मोबाईल रिंग केल्यास मोटर चालू/बंद होते याचा अर्थ हे अत्यंत प्राथमिक अवस्थेतले उपकरण आहे.
या प्रकारे वापर करण्यासाठी दोन सिम कार्डांची गरज आहेच. शक्यतो 'टाईम डिले रिले' या तंत्रावर हे उपकरण काम करत असावे.
रिंग होताच मोबाईलच्या व्हायब्रेटरमधून जो विद्युतप्रवाह वाहतो त्याचा वापर करून एक रिले (विद्युतनियंत्रित विद्युतकळ) सुरू होतो.
तो दुसर्‍या रिंगने बंदही होतो. अर्थात सुरू झाल्यानंतर काही काळ (जसे १० मिनिटे) आलेल्या रिंगच्या आदेशाला तो जुमानत नाही.
(टाईम डिले रिले). त्यानंतर रिंग केल्यास तो बंद होतो.

हे उपकरण बनवण्यास सोपे आहे आणि आता ७०० रु.ला हँडसेट मिळू लागल्यावर तर स्वस्तही. अर्थातच वीज नसल्यास त्याचा उपयोग नाही हे वेगळे कशाला सांगायला पाहिजे?

याहीपेक्षा उच्च तंत्रज्ञानावर आधारित रिमोट स्टेशन्स बनवली गेली आहेत ज्यात आपण वापरतो तो 'टीसीपी-आयपी ' प्रोटोकॉल वापरून सर्वर्स बसवलेली असतात. ही छोटी (टायनी) सर्वर्स उपकरणांकडून माहिती घेऊन ती नियंत्रक व्यक्तीला कळवतात. ती माहिती पाहून मग नियंत्रक व्यक्ती उपकरणांच्या प्रक्रियेत दूरनियंत्रणाद्वारे हवे तसे बदल करू शकते.
उदा. एखादी इंडक्शन फरनेस सुरू/ बंद करणे, तिच्या तापमानात फरक करणे या गोष्टी प्रत्यक्ष प्लांटवर न जाता दुरूनच करता येऊ शकतात.

प्रत्यक्ष संपर्क केबल अथवा बिनतारी संदेश यंत्रणेद्वारे (जसे सीडीएमए / जीएसेम / डब्ल्यूसीडीएमए / अगदी व्हीसॅट वापरून) करता येऊ शकतो.

हे तंत्रज्ञान शेतीतही वापरता येते - जसे एखादा बागाईतदार आपल्या फ्लोरीकल्चर / टिशूकल्चर / ग्रीन हाऊसचे तापमान, दमटपणा, पाणीपुरवठा, सुरक्षा निरीक्षण इ.इ. घरबसल्या करू शकतो. फक्त सुरुवातीचा गुंतवणूक खर्च भरपूर येऊ शकतो.

(बर्‍याच दिवसांनी) छान बातमी वाचायला मिळाली! असे मोबाईलचे अनेक उपयोग असू शकतील. अजून माहीती करून घेयला आवडतील.

विशेष आश्चर्य वाटले नाही बातमी वाचुन. अश्या प्रकारचा प्रयोग २००२ मधेच औरंगाबादजवळील गंगापुर या गावी पाहिला होता. अन तेव्हाही इलेक्ट्रॉनिक्स इंजिनिअरींगचे बरेच् विद्यार्थी अश्या प्रकारचे प्रोजेक्ट करायचे. जसे होम ऑटोमेशन - संध्याकाळी एक एसेमेस पाठवुन् घरातील लागेल तेवढे दिवे चालु/बंद् करा. एसेमेस मधे जे टेक्स्ट असेल् ते इंटरप्रेट करुन योग्य ते दिवे/उपकरणे बंद चालु केले जातील् असे.

विसुनानांनी चांगले स्पष्टीकरण दिले आहे.

बातमी आणि चर्चा विषय चांगला आहे. यात भर घालण्याजोगे माझ्याकडे काही नाही. पण तंत्रद्न्यानाचा कुशलतेने वापर तळागाळातल्या माणसाला करता यावा आणि तो स्वस्त असावा असे मला सुद्धा वाटते. खरेतर अभियांत्रीकिच्या विद्यार्थ्यांकडे असे नव-निर्माणाची बरीच उर्मी आणि क्षमता असते. व्यावसायीकांनी त्याचा योग्य उपयोग केला पाहिजे. तसा उपयोग ते करतच असतील तर मला कल्पना नाही.
--लिखाळ.

रेडीफमध्ये हे लेखन वाचले आणि भारतात असे प्रेरणादायक काम करणारे कोणी आहेत हे पाहून आनंद झाला.