चांगला विचार आणि कृती आहे. पुढे जाण्या आधी हे जागो रे संकेतस्थळ पहा. शक्य असल्यास जागो रे च्या चमू सोबत काम करता आले तर पहा. याच ध्येयाने काम करणारे अनेक आहेतच. पण भारताच्या लोकसंख्येसमोर हि संख्या नगण्य आहे. माझे काही विचार पुढच्या काही प्रतिसादांमध्ये मांडतो आहे.

योजनेला पूर्ण पाठिंबा आहे आणि शक्य ती मदत करण्यास तयार आहे.

----

ऋषिकेश, संघटना तयार करणे आणि चालवणे हे मोठे काम आहे. मग ते संकेथस्थळ संबंधीत का असेना. सुरुवात तर तु केली आहेसच. मला एक योजना सुचली आहे जी आपल्या सर्वांच्या आवाक्यातली आहे. लेख लिहा.
तु म्हणतोस त्या प्रमाणे कुठुन तरी सुरुवात करणे गरजेचे आहे. आपण सर्वजण हे जाणतो की भारतातील लोकशाही, नेते इत्यादी अनेकदा कुचकामी ठरतात. १०० कोटी पेक्षा जास्त वेगवेगळ्या धर्माचे लोक एकत्र गुण्या गोविंदाने नांदवणे वाटते तेवढे सोपे नाही. पण या अफाट लोकसंख्येला शिस्त लावणे अशक्य सुद्धा नाही. भारताला दुरदृष्टी असणारा राजकिय नेता नाही. दुरदृष्टी असलेले लोकं आहेत. पण ते राजकारणात नाहीत. या अफाट लोकसंख्येचे व्यवस्थापन हे येर्‍यागबाळ्याचे काम नाही. मुळातच लोकशाही म्हणजे काय? लोकांचे काम काय? लोकांचे अधिकार काय? आणि असेच अनेक मुद्दे आहेत जिथे लोकशिक्षणाची सर्वात मोठी गरज आहे. या संकेतस्थळांवर वावरणारे आपण अनेक विषयांवर लेखन करत असतो. वाचन करतो. पण हे लेखन-वाचन महाजालापुरते सिमीत राहाते. मला असे वाटते की उपक्रमासारखे संकेतस्थळ आहे, जिथे अनेक समुदाय आहेत. या घडीला राजकारण - समाजकारण समुदाय आपल्याला नक्कीच उपयोगी पडू शकतो. तु केलेल्या गुगल समुदायाचा वापर करून आपण विषय ठरवू शकतो. ते येथे जाहीर करून लेखन करू शकतो. त्यावर चर्चा करून एखादी लेखमाला तयार करू शकतो. उपक्रमावर तसेच महाजालावर अनेक वृत्तपत्र संबंधीत सदस्य आहेतच. मी त्यांना विनंती करतो की हे वृत्तपत्रांमध्ये छापण्यास मदत करावी. कशासाठी? तर वृत्तपत्र हे माध्यम सर्व थरातल्या लोकांपर्यंत पोहोचते. भारताच्या आजच्या गरजांची जाणिव ही लोकशिक्षणाच्या प्रयत्नातुन तळागाळा पर्यंत जाणे गरजेचे आहे आणि वृत्तपत्र हे त्यासाठी प्रभावी माध्यम आहे. तसेच हे लेख विरोपाच्या माध्यमातुन पाठवता येतील. मुद्रीत करुन आपपल्या मित्रमंडळात/नातेवाईकांच्यात वाचून दाखवता येतील.

भारतात गरजेचे आहे ते लोकशिक्षण. विविधतेत एकतेचे गोडवे गाण्याची नसती सवय लागलेल्या लोकांना हि जाणिव करून देण्याची गरज आहे की आंतरराष्ट्रीय पातळीवर आपल्या विविधतेत असलेले अवगुण, कमकुवत मुद्दे अगदी ठळक दिसतात. त्याचा वापर समाज कंटक, राजकिय नेते आणि आंतरराष्ट्रीय समुह त्यांच्या फायद्यासाठी कसा करुन घेतात हे जाणवून देणे गरजेचे आहे. असे नाही केले तर भारतातील राज्यघटना ही मुठभर लोकांच्या हातात जाऊन आपण त्यांचे गिनीपीग बनण्याशिवाय काहीच करु शकणार नाही.

योजना चांगली आहे. जागो रे बद्दल वाचायला हवे. वाचून अधिक लिहिता येईल. तूर्तास, अशा आधीच स्थापन झालेल्या संस्थांना हातभार लावणे योग्य वाटते.

तुमची योजना एकदम योग्य आहे. जागो रे मीही पाहिले आहे. मात्र त्यात उमेदवाराचा गुन्हेगारी पूर्वेतिहास इ. बाबी नाहीत. यासंबंधात अधिकाधिक लोकांपर्यंत तुमचे म्हणणे जावे आणि संघटनांनी मदत करावी, यासाठी आमच्या वृत्तपत्रातून प्रसिद्धी देण्यास मी तयार आहे.

होय. नक्कीच. आणखी इतरत्र बातमी जावी, यासाठी संपर्क देईन.

काही मदत करू शकल्यास सांगा - प्रचार-प्रसार तर करताच येईल.

जागोरे बद्दल माहिती मिळाली - धन्यवाद. याचाही प्रचार-प्रसार केला पाहिजे.

या चर्चेसाठी आणि जागो रे च्या दुव्यासाठी सर्वांचे आभार! चर्चाप्रस्तावासाठी ऋषिकेश यांचे विशेष आभार! ज्यांना शक्य असेल त्यांनी आपापल्या अनुदिनीवर हा मुद्दा नियमित प्रकाशझोतात ठेवला तर बरेच काही साध्य होऊ शकेल.

स्नेहांकित,
शैलेश

आता या विषयावर चांगले प्रतिसाद जमा झाले आहेत. या उपक्रमात सहभागी होऊ इच्छिणाऱया सदस्यांनी आपली छायाचित्रे व माहिती पाठविल्यास उत्तम होईल. त्यानुसार ती आमच्या वर्तमानपत्रात प्रकाशित करता येईल.

इथे सध्याच्या खासदारांची यादी आहे. त्यांच्याबद्दलच्या माहितीसाठी स्वतंत्र पाने देखील आहेत. हीच माहिती अद्ययावत करता येईल. इथे माहिती कुणीही भरू शकते, पाहू शकते. यातील बदलांवर लक्ष ठेवता येणे देखिल शक्य आहे.
अशीच यादी उमेदवारांबद्दल बनवता येऊ शकते. हवीच असल्यास स्वतंत्र विकिया बनवता येईल.

माहिती देण्यासाठी च्या संकेतस्थळाबद्दलचे प्रश्न या आधीच उपलब्ध असलेल्या पर्यांयामुळे सुटले असे मानावयास हरकत नाही.