आई

माझ्या ऐकीव माहितीनुसार 'जय आई अहोम'मधल्या 'आई'चा अर्थ आई असाच आहे. परंतु माझी माहिती ऐकीवच असल्याकारणाने चुकीची असण्याची शक्यता अगदीच नाकारता येत नाही. अधिक तपास चालू आहे. नक्की माहिती मिळाल्यास कळवीनच.

अवांतर: अनेक वर्षांपूर्वी दूरदर्शनवरून प्रसारित होत असणार्‍या (बहुधा) फिल्म डिव्हिजनच्या राष्ट्रीय एकात्मतेवरील माहितीपटात, पार्शवभूमीवर भारताचा नकाशा आणि साउंडट्रॅकवर [मराठी? ध्वनिफीत??] भारतातल्या वेगवेगळ्या भागातले लोक त्याला आपापल्या भाषांतून 'आई' असे संबोधतानाचा आवाज आणि त्याबरोबर नकाशावर त्या-त्या भागावर 'आई'साठी त्या-त्या भाषेतील शब्द उमटतानाचे दृश्य पाहिल्याचे आठवते. त्यात आसामीत 'आई' हाच शब्द पाहिल्याचे आणि आसामच्या आजूबाजूच्या कोणत्याही भाषांत असा शब्द नसताना आसामी आणि मराठीत या शब्दात साम्य असल्याबद्दल तेव्हा आश्चर्यही वाटल्याचे अंधुकसे आठवते. चूभूद्याघ्या.

गूगलात 'joi aai assam' शोधले असता 'hail mother assam' असा अर्थ सापडला. म्हणजे भारतात आणखी एका राज्यात आई आहे! अश्या दूरदूरच्या ठिकाणी असे मूलभूत शब्द कसे एकसारखे? दोन्ही एकाच मुळापासून आले असावेत काय? (मग कबिल आईचे काय?)