संस्कृतमध्ये अंबा म्हणजे आई, माता. ह्या अंबापासून अम्मा हा शब्द आला असावा. अक्कासारखा आई हा बहुधा दक्षिणेतून असण्याची शक्यता नाकारता येत नाही. तसेचमाई हा शब्द सगळीकडे प्रचलित आहे. प्रसादाचे पसाय झाले तसे माताचे माई होणे अशक्य नाही.

मला हे कोठे तरी वाचल्यासारखे वाटते पण नक्की आठवत नाही त्यामुळे फार विश्वासार्ह मानू नये. परंतु आई या शब्दाचा उगम द्रविड भाषांतून झाला आहे, तो संस्कृतोद्भव नाही. (उदा. तमिळ) लहान मूल सर्वात प्रथम "म" अक्षर उच्चारते कारण तोंड न उघडता बंद तोंडातून म सहजगत्या बाहेर येतो. त्यामुळेच बहुतांश भाषांत आई शब्दाची सुरुवात म वरून होते.

चू. भू. द्या. घ्या.

आई शब्दाचे मूळ संस्कृत "अयि" शब्दात. हा शब्द अगं ह्या अर्थी संस्कृत भाषेत वापरला जातो आणि आईचे नाते अगं-तुगं करण्याच्या पातळीचे असते. हिंदीसारखे बहुमानार्थी नसते.