नमस्कार उपक्रमींनो,

दिवाळी अंकाची घोषणा झाल्यावर एक विचार आला की येथे समुदाय आहेत. तेथे खास करुन समविचारी अथवा एकसारख्या आवडी निवडी असलेले सदस्य एकत्र येतात. जर अंकामध्ये समुदायाचा सहभाग झाला तर? मग म्हटलं येथे छायाचित्रण - प्रकाशचित्रण समुदायाला चांगला प्रतिसाद मिळाला आहे. तर आपण उपक्रमावर एखादा प्रयोग करुन पहायला काय हरकत आहे? हा विचार काही सदस्यांना सांगितला असता त्यांच्या उत्साहवर्धक प्रतिक्रिया आल्या. तर, विचार असा आहे की,

उपक्रमी सदस्यांनी आपली काही छायाचित्रे अंकासाठी पाठवावीत. त्यामधील काही छायाचित्रांचे परीक्षण समुदायातले निवडक तज्ञ करतील आणि निवडक चित्रे अंकामध्ये समाविष्ट केली जातील. हा उपक्रम निव्वळ एक प्रयोग म्हणुन करायचा विचार आहे. चित्रे निवडताना तज्ञांचा विचार लक्षात घेतला जाईल. जर आपण पाठवलेले चित्र अंकात नाही आले तर आकस नसावा हि नम्र विनंती. ज्या सदस्यांना यामध्ये स्वारस्य असेल त्यांनी आपली छायाचित्रे खालील मसुद्याप्रमाणे पाठविण्याविषयी मला व्य. नि. मार्फत कळवावे.

मसुदा:

1. आपण काढलेले छायाचित्र
2. शक्य असल्यास त्यासोबतचा तांत्रिक विदा
3. छायाचित्रा बद्दल थोडक्यात माहिती: जसे की, हेच चित्र का काढले? कुठे काढले? इत्यादी...