कुठलेही प्रमाण न देता मी "धनंजय-पट्टी" पद्धतीने भाकित करतो, की संयुक्त राज्ये ५० एक वर्षे तरी साम्राज्यशक्ती कायम ठेवतील.

+१

त्याचे कारण आधी म्हणल्याप्रमाणे हा देश गोत्यात आलेला जगाला परवडणार नाही...तसेच त्यांच्यात असलेली जिद्द पण (चांगल्या अर्थी)कारण आहे.

कुठलेही प्रमाण न देता मी "धनंजय-पट्टी" पद्धतीने भाकित करतो, की संयुक्त राज्ये ५० एक वर्षे तरी साम्राज्यशक्ती कायम ठेवतील.

महर्षी धनंजयांची * अर्थ नाडी ही इतर नाड्यांप्रमाणेच आहे. कालानुसार आता नाडीपट्टी ही ताडपत्रावर् न कोरता ती ई पट्टी मध्ये युनिकोड या कूट लिपीत कोरली जाते. पन्नास वर्षानंतर उपक्रम आश्रमात धनंजय ई नाडीत काय कोरुन ठेवले होते ते पहा असे म्हणत याचा पुरावा तत्कालीन गुगल् नाडी केंद्र देतील . इतर नाड्यांविषयी काय लिहिले जाते ते पहा

सामान्यपणे समाधानकारकच उत्तर मिळते. कधी कधी महर्षींच्या उत्तरातून अनपेक्षितपणे कारणमीमांसा ऐकून थक्क व्हायला होते. अनेकदा जातकाच्या अपेक्षेच्या विपरीत पण त्याला हितकारक सल्ला दिला जातो. त्यामुळे तात्कालिक खट्टू व्हायला होते. पण शांतपणे विचार करून आपले विचार-मत तपासून पाहण्याची संधी मिळते.
एखाद्याला घाटातील रस्त्याने जात असताना पुढील वळणांचा, धोक्यांचा अंदाज येत नाही तेंव्हा जर उंच उडणाऱ्या हेलिकॉप्टरमधून पहाणी करणाऱ्याने त्याला वरून पाहून, “ रस्ता निर्धोक आहे किंवा मार्गात पुढे अडथळा आहे. परत फीर किंवा मार्ग बदल ” असा इशारा द्यावा, असाच काहीसा सल्ला महर्षींच्याकडून मिळतो. सामान्यपणे शांती-दीक्षा करण्याच्या कठीण व खर्चिक अटी सांगितल्या जात नाहीत. पण कधी जर अनिवार्य असेल तर मात्र ते उपायही सांगितले जातात.

प्रकाश घाटपांडे

मागे मनोगतावर तिसर्‍या महायुद्धा बद्दल चर्चा केली होती ती त्यावेळी फारशी चालली नाही. पण विश्वात हे नवीन आर्थिक पर्व आहे असे वाटते. परंतु पुढच्या महायुद्धापर्यंत संयुक्त राज्ये (यू.एस. या अर्थी) नोटा छापत राहू शकतील असे वाटते. हे वाक्य मला १००% पटते. नजीकच्या दशकात हे महायुद्ध होईल असे वाटते. खास करुन आखातातच. सरतेशेवटी पाकिस्तानवर ताबा मिळवण्यासाठी भारताला मनाविरुद्ध युद्धात पडावे लागेल. महायुद्ध होणे ही एक प्रक्रिया आहे आणि त्याची पुर्व प्रक्रिया ९/११ पासुन सुरु झाली आहे असे वाटते.

भांडवलशाही या सर्वाला कारणीभूत आहे असे वाटत नाही. मिसमॅनेजमेंट , जोखीम ओळखण्यातले अपयश आणि वाहवत जाण्याची वृत्ती या अडचणीला कारणीभूत आहे असे वाटते. (अर्थात असे भाष्य करणे अगदी सोपे आहे इ. इ. डिस्क्लेमर आहेच) भांडवलशाहीच्या कोणत्या तत्त्वामुळे हे असे झाले असे म्हणता येणार नाही. उलट आता 'सर्वाइवल ऑफ द फिटेस्ट' तत्त्वाप्रमाणे चालेल. 'इट्स कॅपिटलिज्म ऍट इट्स बेस्ट' असे कोणीतरी म्हटल्याचे वाचले.

मोठ्या मोठ्या वित्तसंस्था ज्यात मोठे मोठे विद्वान, जे बरेचदा टॉप ब्रेन / उच्चविद्याविभुषीत गणले जातात त्यांनी निर्णय घेतात त्यांनी एवढ्या चुका, परिस्थीती आणलीच कशी? फार म्हणजे फार आश्चर्य वाटते आहे.

अतिरेकी स्पर्धा, समूह मानसिकता (स्पर्धक करत आहेत तर आपणही केलेच पाहिजे इ.), शंका/नकारात्मक मत व्यक्त केल्याने करीयर मध्ये होऊ शकणारे नुकसान ही काही कारणे वाटतात.

चांगला प्रतिसाद. मुक्त अर्थव्यवस्था स्वीकारताना धोक्यांकडे दुर्लक्ष करून चालणार नाही. आंधळे अनुकरण धोकादायक असेल. आता या संकटामुळे जगभरात सर्वांचे डोळे उघडायला हरकत नाही. भारतातही फाइनँशियल सर्विसेस आणि आयटी व्यवसायावर आणि व्यावसायिकांवर याचे थेट परिणाम होणार आहेत असे वाटते. त्यामुळे धोकादायक वेगाने वाढणार्‍या क्षेत्रांना आणि लोकांच्या अतिउत्साहाला थोडा आळा बसेल असे वाटते.

पारदर्शकतेचा आव आणणार्‍या या कंपन्या एकाएकी अचानक का बुडतात ते कळत नाही.

फायनान्सच्या क्षेत्रातील कंपन्यांच्या काही (अनेक ! ) व्यवहारांबाबत अनेक ठिकाणी (अमेरिका, ब्रिटन इ.) निर्बंध नाहीत. ह्याचे कारण ते करीत असलेले काही (अनेक!) व्यवहार खूपच नवे आणि गुंतागुंतीचे आहेत. ह्याच कारणामुळे कमोडिटीजच्या बाजारावरही असायला हवेत तसे निर्बंध नाहीत. हे धडे शिकल्यावर निर्बंध आणले जातील, पण त्यावेळी ह्या कंपन्या (राहिल्या असलेल्या) नवे मार्ग शोधून काढतील. हे 'मूव्हिंग गोलपोस्ट' सारखे आहे.

हे सर्व झाले ते अति हावेमुळे व ते ज्यांनी केले ते लखोंचे मानधन घेऊन मोकळे झालेत.

तेलाचे भाव बघा.. एप्रिल मधे सुमारे ९८ डॉ., जुलैच्या मध्यावर १४७ डॉ, आणि गेल्या आठवड्यात (लिहमन्, मेरिल लाइंच व ए. आय. जी. च्या कोसळाकोसळीच्या अगोदर) ९८ डॉ. आणि भाव जेव्हा वाढत होते, तेव्हा त्या क्षेत्रातील तज्ञ 'सप्लाय-डिमांडा'ची कारणे देत होते.

पुढील धोका--- डेट्रॉइइटच्या तीन ऑटॉ कंपन्या.... त्यांनाही लवकरच सरकारची मदत द्यावी लागेल का, व तसे ते देणे कितपत रास्त आहे, ही चर्चा सुरू झालेली आहे.

भारतीय सॉफ्टवेअर कंपन्यांची बहुसंख्य गिर्‍हाईके ही बीएफएसआय क्षेत्रातीलच आहेत. त्यामुळे अर्थव्यवस्था कोसळण्याचे बरेवाईट काहीही परिणाम होऊ शकतात. बरे अशासाठी की खर्च वाचवण्यासाठी अजून जास्त काम ऑफशोअरला पाठवले जाईल. नोकरीवर टांगती तलवार आल्याने कंपन्यांत काम करणारे सेवक मनमानी करु शकणार नाहीत. एका कंपनीतून दुसर्‍या कंपनीत पगारवाढीसाठी होणार्‍या दर सहामाही बेडूकउड्या बंद होतील. बर्‍याच सॉफ्टवेअर कंपन्यांमध्ये ३० टक्क्यांपर्यंत लोक रिकामटेकडे बसलेले असतात ती टक्केवारी ५-८ टक्क्यांपर्यंत आली तरी पुरे. अनेक कंपन्यांच्या शेअरांच्या किंमती थोड्या आवाक्यात येतील. रिस्क आणि रिवार्ड मधले रिवार्ड फक्त बघितले होते आता रिस्कही काय असते ते दिसेल. ज्या विषयात आपल्याला कळत नाही तिथे लुडबुडण्यापेक्षा (पक्षी थेट शेअर गुंतवणूक) ज्यांना ते कळते त्यांच्याकडे गुंतवणुकीसाठी दिला जाईल (उदा. म्यु.फंड)

भारतात पैसा कमी झाल्याने वस्तूंच्या व घरांच्या किंमतीही थोड्या कमी होतील असे वाटते. आता आहेत त्यापेक्षा त्या नक्कीच वाढू शकत नाहीत. पैसा खर्च करताना लोक थोडा विचार करतील. गृहकर्जाचा दर आहे तितकाच राहील (किंवा कमी होईल) १४ टक्क्यांपेक्षा जास्त होणे कोणालाच परवडणारे नाही.

नवे गवर्नर थोडे अधिक खुल्या दिलाचे आहेत. कदाचित व्याजदर थोडा कमी करतील. (मात्र रेड्डीशेठ यांनी व्याजदर जास्त ठेवून आणि सनातनी वृत्ती बाळगून भारतीय अर्थव्यवस्थेचे अरिष्टापासून रक्षण केले असाही एक प्रवाद आहे.)