उपक्रमाचे हे नवे पाऊल स्वागतार्ह आहे. दिवाळी अंकासाठी शक्य तेवढी सर्व मदत माझ्याकडून मिळेल. :))

चांगला दणदणीत दिवाळी अंक निघो ही शुभेच्छा! माझ्याकडूनही शक्य तेवढी मदत होईल.

मुखपृष्ठावर दिवाळी अंकाची घोषणा आहे तिला चौकट घालून अधिक उठावदार आणि लक्षवेधक करता येईल का?

माझ्याकडून पण शुभेच्छा! स्तुत्य "उपक्रम"!

कृतीशील शुभेच्छा!
प्रकाश घाटपांडे

एक सुचना..
दिवाळी अंक आणखी मोहक होण्यासाठी इथल्या मातब्बर छायाचित्रकारांनी काढलेली चित्रे सुद्धा असावीत.

उत्तम उपक्रम!

माझी यामधे अंकाची सजावट, मुखपृष्ठ, चित्रे याबाबतीत सहभागी होण्याची इच्छा आहे, पुढे तसे कळवा.

माझ्या मन:पुर्रवक शुभेच्छा.

दिवाळी अंकाला भरघोस हार्दिक शुभेच्छा!!!
प्रकाश घाटपांडेंप्रमाणे माझाही कृतिशील पाठिंबा.

आगे बढो !
लागेल तशी मदत करायला उत्सुक !

उपक्रमसेठ,

दिवाळी अंकाच्या उपक्रमासाठी हार्दिक शुभेच्छा !!!

वाचून आनंद झाला. अनेक शुभेच्छा.
सहभाग गृहित धरावा :)

ऋषिकेश

दिवाळी अंकासाठी शुभेच्छा!
राधिका

माझ्यादेखील! चांगला दणदणीत दिवाळी अंक निघो!

-सौरभदा

=========================

दिवाळी अंकासाठी अनेक शुभेच्छा.
----

चांगला दणदणीत दिवाळी अंक निघो ही शुभेच्छा!

प्रियालीशी सहमत....!

उपक्रमाच्या दिवाळी अंकाला आमच्या व्यक्तिगत व संपूर्ण मिसळपाव परिवारातर्फे अनेकोत्तम भरघोस शुभेच्छा!

आम्ही सदर दिवाळी अंकासाठी एखादा संगीत विषयक लेख निश्चित पाठवू! वाचकांना तो आवडेल अशी आशा वाटते! अभिजात संगीताच्या एखाद्या मैफलीचे वर्णन/परिक्षण चालेल का?

भाषा, अर्थकारण, वाणिज्य, व्यवस्थापन, गणित, विज्ञान, तंत्रज्ञान, वैद्यकशास्त्र, इतिहास, तत्त्वज्ञान, शिक्षण, संस्कृती, कला, क्रीडा, चित्रपट, पर्यावरण, प्रवास, व्यक्तिमत्व, साहित्य व साहित्यिक, राजकारण इ. कोणत्याही विषयावर अनुभव, अनुवाद, आस्वाद, प्रवासवर्णन, बातमी, माहिती, विचार, व्यक्तिचित्र, संदर्भ, स्फुट, कोडी/तर्कक्रीडा, पानपूरके

वर आपण जी यादी दिली आहे त्यात 'व्यक्तिचित्र' हा शब्द आहे. दिवाळी अंकातील लेखाकरता उपक्रमाला कुठल्या प्रकारची व्यक्तिचित्रं अपेक्षित आहेत याबाबत अजून काही स्पष्ट खुलासा केल्यास बरे होईल. माझ्या अंदाजाप्रमाणे ललित सहित्यात मोडणारे व्यक्तिचित्र उपक्रमाला अपेक्षित नसावे. तरीही एकदा स्पष्ट खुलासा केल्यास बरे होईल!

असो, अभिजात संगीतविषयक एखादा लेख आणि वरील खुलासा झाल्यास एखादे व्यक्तिचित्र असे दोन लेख उपक्रमाच्या दिवाळी अंकाकरता आम्ही अगदी अवश्य पाठवू, नव्हे ते आम्हांस आवडेल! :)

आमच्यातर्फे आणि आमच्या मिसळपाव परिवारातर्फे उपक्रमाच्या दिवाळी अंकाला पुनश्च् एकदा शुभेच्छा!

अवांतर -
१) दिवाळी अंकाच्या संपादक मंडळावर कोण मंडळी आहेत ही माहिती मिळाल्यास बरे होईल! :)
२) 'पानपुरके' हा शब्द आवडला! :)

आपला,
(उपक्रमी) तात्या अभ्यंकर.
न लगे मुक्ति आणि संपदा, मिसळसंग देई सदा!

संपादक उपक्रमी,
दिवाळी अंकासाठी हार्दीक शुभेच्छा!

उत्तम उपक्रम. दिवाळी अंकाला माझ्या हार्दिक शुभेच्छा. अंकासाठी शक्य तेवढी मदत करण्यास उत्सुक आहे.

नंदन
मराठी साहित्यविषयक अनुदिनी

म्हणतो. कार्यबाहुल्यामुळे प्रत्यक्ष मदत करणे अवघड आहे, तथापि लेखन पाठवण्याचा प्रयत्न करतो.
अंकाला शुभेच्छा.
सन्जोप राव

आपल्या उत्स्फूर्त प्रतिसादाबद्दल धन्यवाद!

आपले लेख शक्य तितक्या लवकर वर उल्लेखलेल्या विरोप पत्त्यावर पाठवावेत म्हणजे अंकनिर्मितीच्या कामात मदत होईल. लेखासोबत आपल्या आवडीच्या/अभ्यासाच्या विषयावरील मनोरंजक पण थोडक्यात माहिती पानपूरके म्हणून पाठवावीत.

आणखी शंका/प्रश्न/माहितीसाठी आमच्या दिवाळी अंक या सदस्यनामाशी संपर्क साधावा.

ग्रंथ परिचय –

विज्ञान अणि चमत्कार

लेखक - प्राचार्य अद्वयानंद गळतगे. पो. भोज. जि. बेळगाव. कर्नाटक. ५९१२६३.

फोन ०८३३८-२९३३९९
मोबा - ०९८८६६७८१८३.
भानामतीचे खेळ कोण करते? मृतात्मे – भुते खरी असतात का? युएफओ उर्फ उडत्या तबकड्यांचे रहस्य काय ? शून्यातून वस्तु निर्मिती होते काय ? पुनर्जन्म मानायचा का? अतींद्रीय शक्ती असतात का ? देवदूत असतात काय? गणपतीचा चमत्कार कसा होतो ? श्रद्धेचे चमत्कारात काय स्थान ?

या सर्वांवर वैज्ञानिक स्पष्टीकरण आहे काय? असेल तर त्यांचे काय मत आहे? भारतीय ब्रह्मविद्याशास्त्राचे याबाबत काय मत आहे? बुद्धीप्रामाण्यवाद, नियतीवाद, कर्मफल, विधिलिखित या सर्वांचा समग्र संबंध आहे काय? क्वांटम सिद्धांताने आधुनिक भौत शास्त्रीय चिकित्सेची दालने कशी उघडी केली आहेत?
विज्ञान आणि अध्यात्माचा मेळ कसा बसवावा? परामानसशास्त्राने केलेल्या संशोधनाची ओळख व महत्व काय? अशा अनेक कूट प्रश्नांच्या उत्तरांचे समग्र भांडार म्हणजे विज्ञान अणि चमत्कार हा ग्रंथ आहे. प्राचार्य अद्वयानंद गळतगे यांच्या आधीच्या विज्ञान आणि अंधश्रद्धा निर्मूलन, विज्ञान आणि बुद्धिवाद या ग्रंथाच्या विष्लेषणातून निर्माण होणाऱा हा ग्रंथराज आहे असे म्हटल्यास अतिशयोक्ती होणार नाही.

६६४ पानांच्या या भारी भक्कम ग्रंथाच्या प्रस्तानवनेत या ग्रंथाच्या उद्देशाबाबात त्यांनी म्हटले आहे की भौतिकवादी विज्ञानाच्या दृष्टीने चमत्कार असत्य (किंवा अशक्य) ठरतात... कारण त्या शास्त्राच्या मर्यादेत ते कदाचित ते घडत नसतील, पण त्या शास्त्राच्या मर्यादेबाहेर घडतात की नाही हे त्या मर्यादेत राहून कसे कळणार? किंवा ठरवणार? त्या साठी ती मर्यादा ओलांडून बाहेर आले पाहिजे. कारण त्या शास्त्राच्या बाहेर काम करणारी अनेक शास्त्रे आहेत. भौतिकवादी शास्त्रज्ञ, भौतिक शास्त्राबाहेर जगच अस्तित्वात नाही असे म्हणू शकणार नाहीत. त्यांनी असे म्हणणे म्हणजे एखाद्या विहिरीतील बेडकांनी विहिरीच्या बाहेर पाण्याचे जगच अस्तित्वात नाही असे म्हटल्यासारखे आहे.. हा ग्रंथ वाचकांना या संकुचित दृष्टीच्या बेडकाच्या विहिरीतून बाहेर काढून विशाल अतींद्रीय सागराचे दर्शन घडवतो. ते वाचकांनी कुतुहल व करमणूक म्हणून नव्हे तर गंभीरपणे शास्त्रीय, अभ्यासू वृत्तीने पाहावे, अनुभवावे. यातून वाचकाला नवी वैज्ञानिक दृष्टी प्राप्त झाली तर लेखकाला या ग्रंथलेखनाचे सार्थक झाल्याचे समाधान होईल.

जे डोळ्यांना दिसते ते दृष्य भौतिक जगच काय ते खरे असे समजून त्या जगाच्या नियमाच्या शोधालाच विज्ञान म्हणायची चूक मोठमोठे शास्त्रज्ञ करत असतात. ही त्यांची वैज्ञानिक अंधश्रद्धा आहे. ज्याप्रमाणे एखादा आंधळा आपल्याला दिसत नाही म्हणून प्रकाशच अस्तित्वात नाही असे म्हणू शकत नाही, त्या प्रमाणे अतींद्रीय दृष्टी नसलेला मनुष्य – भले तो कितीही मोठा शास्त्रज्ञ असेल – लिंग देह, मनोदेह, बुद्धिदेह, आत्मा हे डोळ्यांना दिसत नाहीत म्हणून अस्तित्वाच नाहीत असे म्हणू शकणार नाही. तसे म्हणणाऱ्यांना अदृष्य पातळीवरील त्या देहाचे भौतिक जगात सुद्धा कसे दृश्य़ परिणाम घडून येतात, अनुभवायला मिळतात हे दाखवून देण्याचा प्रयत्न या ग्रंथात केलेला आहे. त्यामुळे त्यांचे अस्तित्व आंधळ्या भौतिकवादी शास्त्रज्ञांना सुद्धा मान्य करावे लागते.

पदार्थविज्ञान, भूत, भानामती, परामनोविज्ञान, (दैवतशास्त्र) ब्लॅक – व्हाईट जादू आणि ब्रह्मविज्ञान या तिन्हीचा वरवर पाहता परस्परांशी संबंध नाही, नव्हे ती एकमेकांना धिक्कारताना दिसतात परंतु या तीनही शास्त्राना एकत्र आणण्याचा चमत्कार प्रस्तूत ग्रंथात विज्ञानामुळेच शक्य झाला आहे. गळतगे यांनी या शास्त्रांची नाळ परस्परांशी निसर्गतःच कशी जोडली गेलेली आहे हे सिद्ध गेले आहे.

परिचय कर्ता -

विंग कमांडर शशिकांत ओक

ए - ४, ४०४ गंगा हॅमलेट हौ. सो. विमाननगर, पुणे. ४११ ०१४.
मोबाः ०९८१९०१०४९

नमस्कार!

उत्साहवर्धक प्रतिसादाबद्दल धन्यवाद!

अजूनही ज्यांना लेख पाठवायचा आहे पण शक्य झाले नाही त्यांच्यासाठी या रविवारपर्यंत (१२ ऑक्टोबरपर्यंत) मुदत वाढवण्यात आली आहे! फक्त आपल्या लेखनाचा विषय आणि अंदाजे शब्दसंख्या निरोपातून कळवावी म्हणजे नियोजनास सोपे पडेल.
तेव्हा झटपट लिहायला लागा आणि लवकरात लवकर लेखन पाठवा!

शंका/प्रश्न/माहितीसाठी आमच्या दिवाळी अंक या सदस्यनामाशी संपर्क साधावा

आज बर्‍याच दिवसांनी येथे रेंगाळलो. मनापासून शुभेच्छा!