संपादक ३ महाशय,

आपला जलद प्रतिसाद नेहमीसारखाच सुखावणारा आहे.

इतर प्रकारच्या लेखनासाठी अनेक संकेतस्थळे आहेत.

परंतु आपल्या वरील विधानावर मला तिव्र आक्षेप आहे. उपक्रमा व्यतिरिक्त स्थळे आहेत हे सुचवणे नुसतेच हास्यास्पद नसून अतिशय उद्धट पणाचे (रुड)लक्षण आहे. उपक्रमाच्या उद्दिष्टांशी देखिल मिळते जुळते असणारे 'मराठी विकि' (मराठीतून महितीचे आदान प्रदान इ.इ.) नावाचे संकेतस्थळ उपलब्ध आहे,तेव्हा उपक्रमावर 'दुसरा काहीच पर्याय नसल्याने' लोक लिखाण करतात हा गैर समज नसावा. तरीही 'उपक्रम'ला सदस्य आणि लिखाण भरभरून मिळते ह्याची कारणे उघड आहेत. ..

व्यवस्थापनाने इथली धोरणे उद्दिष्ट्ये काहीही ठरवावीत त्याबद्दल तक्रार करू शकत नाही. परंतु हि धोरणे पटत नसल्यास 'दुसर्‍या संकेतस्थळांवर जा' हा अनाहुत सल्ला कृपया देऊ नये. आधीही एकदा असे उद्गार व्यवस्थापनाकडून आल्याने आज हे परखडपणे मांडावेसे वाटले. कोणतेही संकेतस्थळ यशस्वी होण्यासाठी व्यवस्थापनाने अतिशय काळजीपुर्वक शब्द वापरवेत असे वाटते.

(उपक्रम सभासद)
वरूण

सार्वजनिक संकेतस्थळांवरील लेखनाचे सर्वमान्य संकेत पाळणारे लेखन ह्या संकेतस्थळावर व्हावे अशी अपेक्षा आहे.

हे सर्वमान्य संकेत कोणते ते कळतील का? की आपण मालक म्हणून आपल्याला मान्य असलेले संकेत??

उथळ चर्चा, लेख, प्रतिसाद, वाक्ये शक्यतो टाळण्याचे प्रयत्न करून मदत करावी, ही पुन्हा विनंती.

एखादी चर्चा, प्रतिसाद, लेख उथळ आहेत किंवा नाही हे कुणी ठरवायचे? आपण मालक आहात म्हणून आपण ते ठरवणार? स्पष्टपणे सांगितलंत तर बरं होईल!

इतर प्रकारच्या लेखनासाठी अनेक संकेतस्थळे आहेत.

वरूणरावांशी सहमत! माझ्यामते हे अत्यंत मगरूर अन् मुजोर विधान आहे. ही मगरूरी मालकी हक्कावरून आली आहे असे वाटते! इतर प्रकारच्या लेखनासाठी अनेक स्थळे आहेत हे सांगून एका अर्थी आपण सभासदांना बाहेरचा रस्ता दाखवत आहात असे वाटते!

असो! उपक्रमची चिंता वाटते इतकेच याक्षणी म्हणू शकतो..!

तात्या अभ्यंकर.

व्यवस्थापनाला विनंती की हा प्रतिसाद निदान काही काळ येथे ठेवू द्यावा आणि नंतर त्याला केराची टोपली दाखवावी. तो व्यक्तिगत रोखाचा आहे हे मला मान्य आहे आणि तो येथे असता कामा नये तरीही कोणीतरी हे बोलणे भाग आहे असे वाटते.

तात्या,

आपण गेल्या अनेक महिन्यांपासून असे का वागता आहात त्यावर थोडा शांतपणे विचार करा. मनोगताच्या प्रशासनाने आपल्यावर अनेक प्रकारे निर्बंध लावण्याचा प्रयत्न केला, उपक्रमावरही तेच होत आहे. दोन्ही व्यवस्थापनाचा एकमेकांशी संबंध असावा असे वाटत नाही तर मग तुमच्या प्रतिसादांवरच गदा का येते?

प्रशासनाने/ व्यवस्थापनाने कोणती धोरणे ठेवावीत हा प्रशासनाचा/ व्यवस्थापनाचा प्रश्न, तो थोडावेळ् बाजूला ठेवू पण या रोजच्या वादावादीत तुम्ही स्वतःला कोठे हरवून बसला आहात यावर थोडा विचार करा. बोलीभाषेतील शिव्या (त्याला उत्स्फुर्त प्रतिसाद/ संवाद म्हणा हवं तर) लिहिता लिहिता तुमच्यातील प्रतिभावंत लेखक नाहीसा झाला आहे. शिंत्रे गुरुजींपासून अर्धवट राहिलेले (की सालसपासून) लेख पूर्ण न करता तुमचे लेखन एकांगी होत आहे याचा कधी विचार केलात का?

लोकांनी तुमच्या प्रतिभेवर, सहज मोकळ्या भाषेवर प्रेम केले, या शिव्यांवर नाही हे मी नक्कीच सांगू शकते. तुम्ही लिहिता तेव्हा मनापासून स्वानंदासाठी लिहिता असे मागे म्हणाल्याचे आठवते. गेल्या किती महिन्यांत तुम्हाला तो आनंद मिळाला आहे?

शास्त्रीय संगीतावर समुदाय तुम्ही सुरू केलात, त्यात किती लेख टाकलेत? ती तुमची ओळख असावी, शिवराळपणा नाही असे मनापासून वाटते. माझ्यासारख्या "ढ्" माणसांसाठी शास्त्रीय संगीतातील बाराखडीपासून सुरुवात करा. बसंतचं लग्न सारखी मालिका उत्कृष्ट आहे कारण ती संगीतातील अनभिज्ञ वाचकांनाही पकडून ठेवते, ती तुमची प्रतिभा.

इतक्या दिवसांत तुम्ही वेगळा प्रयत्न का नाही केला? वेगळे लेख का नाही टाकले?

तात्या तुम्ही माझे मित्र म्हणणारे तुम्ही मनोगतावरून जाताना मागे का नाही आले? 'तू भांडण काढ, अन्याय सहन करू नकोस' असे चढवणारे मित्रच असतील असे नाही हे तुम्ही जाणताच.

हा प्रतिसाद वाचून तुम्हाला राग आला तरी हरकत नाही पण ही जी रोजची वादावादी तुम्ही सुरू ठेवली आहे त्यापेक्षा काही वेगळे करून पाहा आणि चांगल्या लेखांसाठी लोकप्रिय व्हा.

प्रियाली

शिव्या देणे हे दुर्बळांचे लक्षण आहे. बलवानांचा कृत्यावर भर असतो, आणि दुर्बळांचा शिव्यांवर, असे संस्कार आपल्यातील अनेकांवर झालेले आहेत.

मिलिंदजी,

आपले विचार १००% पटले. परंतु वरील प्रस्तावातुन धोंडोपंतांना इथं लिहिताना 'एखादी शेलकी शिवी' लिहिली गेली तर चालेल का? हा प्रश्न अभिप्रेत आहे असं वाटते,ना की इथल्या लिखाणाचा भर शिव्यांवर असावा का? तसं असल्यासच आपले स्पष्टिकरण योग्य आहे अन्यथा लिहिताना एखादी शिवी (शेलकी) वापरणे आणि त्यावरच भर असणे ह्यात फरक आहे असे वाटते... (नुकतेच आपल्या लिखाणात देखिल 'भाड्या' ही शिवी वापरलेली आढळली परंतू त्याचा अर्थ आपण 'दुर्बळ' आहात असा अजिबात होत नाही.)

विसोबा, वाद घालण्यांतून वेळ मिळाला तर दर आठवड्याला एखाद्या रागाबद्दल त्याच्या सौंदर्यस्थळांसकट माहिती द्यावी, ही विनंती.

आपली विनंती आमच्या विचाराधीन आहे. 'अभिजात संगीत आणि आजची तरूण पिढी' या विषयावर एखादा लेख लिहिण्याचे मनात आहे.

तात्या.

एकंदर आम्हाला फालतू वाद घालण्यात मजा येते

मराठी माणूस! Can't help..;)

उपक्रमाने असा वाद घालणाऱ्यांनाच संपादनाची जबाबदारी देऊन मोकळे व्हावे. वर्गात जास्त मस्ती करणाऱ्याला जसे 'मॉनिटर' बनवतात तसे.

आम्हाला उपक्रमचा मॉनिटर व्हायला आवडेल..;)

एखादे संकेतस्थळ यशस्वी करण्याची जबाबदारी केवळ व्यवस्थापनाची असते काय?

मुळीच नाही. इन फॅक्ट, ती बरीचशी सभासदांचीच असते. आणि, केवळ आणि केवळ मायबाप सभासदांमुळेच एखाद्या संकेतस्थळाची शोभा असते, हेदेखील व्यवस्थापनाने लक्षात घ्यावे, लक्षात ठेवावे!

सदस्यांनी केवळ व्यवस्थापनाचे तथाकथित दोष काढून त्यांचे अवाजवी भांडवल करावे काय?

नक्कीच करू नये. पण व्यवस्थापनानेही अधिकधिक निर्दोष राहण्याचा प्रयत्न करावा असेही वाटते! ;)

असो, आता अधिक वाद घालत नाही. प्रियालीजींना प्रॉमिस केलं आहे! ;)

आपला,
(मॉनिटर!) तात्या.

अनावश्यक, व्यक्तिगत रोख असणारा प्रतिसाद अप्रकाशित करण्यात् आला आहे - उपसंपादक
बापू