आवडलेले काही मुद्दे :
१. झाडांची सिल्हुएट जवळजवळ कृष्णधवल आल्यामुळे फांद्यांच्या चित्रविचित्र आकाराकडे लक्ष जाते.
२. झाडांच्या फांद्यांच्या वक्राकृतींमध्ये वैविध्य आहे.
३. उजवीकडील झाडाच्या जवळजवळ स्रळ उभ्या बुंध्याने, आणि क्षितिजरेषेच्या जवळजवळ आडव्या रेषेने वक्राकृती फांद्यांना चौकट प्राप्त होते.
४. डावीकडे सूर्य आहे, याची कल्पना येते, ती उत्कंठावर्धक आहे. तो सूर्य फोटोच्या आत घेतला असता तर त्याने फोटोवर राज्य केले असते. तो फोटोच्या बाहेर ठेवल्याने रसपोषण होते. तो फोटोत घेण्याचा मोह टालला याबद्दल ++

(येथील फोटो पिक्सेलेटेड दिसतो [रंगांचे चौकोनी ठिपके दिसतात], पण मूळ फोटोत ते दिसत नसावेत, याबद्दल नि:शंक आहे.)

चित्र मस्तच आहे याबद्दल काहीच शंका नाही. वरती धनंजय यांनी सांगीतलेल्या जवळजवळ सर्व गोष्टींशी सहमत.
मला वाटलेले काही मुद्दे-
१. चित्राला चांगली चौकट असती तर चित्र जास्त खुलले असते असे वाटते. चौकट टाकणे हे वास्तविक छायाचित्रकाराच्या वैयक्तिक आवडीनिवडीवर आहे असे माझे मत आहे. त्यामुळे चौकटीची रंगसंगती कशी असावी याबद्दल तुम्हालाच ठरवावे लागेल. मला या चित्राला पांढरी आधी व नंतर काळी चौकट द्यायला आवडले असते.
२. चित्रातले उजवीकडचे मोठे झाड आहे, ते फारच हतबल एकाकीपणाची भावना देत आहे. ते मला भावले. ते झाड खालून वरपर्यंत आले असते तर अजून् आवडले असते.

कळावे,
-
ध्रुव

चित्र खरोखरीच आवडले.

बाकिच्यांचा मतांशी सहमत!

पण चित्रात रंगांची कमतरता प्रकर्षाने जाणवली. अश्या चित्रांमध्ये आकाशाची भुमिका फार महत्वाची असते. इथले निरभ्र आकाश काहीसे सपक वाटते. चित्र कृष्णधवल करुन बघीतले आहे का?

*अर्थात हे मत व्यक्तिगत आवडीनुसार हे वे.सां.न.

माला उजवीकडील आकाशाला भिडणारे झाड फार आवडले. खरंतर ते बघून वीज काळी असती तर अशी दिसली असती असे क्षणभर मनात चमकून गेले..
बाकी चित्र मात्र ओके ओके वाटले..

ऋषिकेश
------------------
जगात १० प्रकारचे लोक असतात द्विमान पद्धती समजणारे आणि न समजणारे

छान आहे चित्र.

अवांतर - जमल्यास सप्टें नंतर परत एकदा ह्याच जागी जाउन फोटो काढ अभिजीत! हिरवेगार !!

सुंदर चित्र. धनंजय यांच्याशी बराचसा सहमत. माझ्या मते उजव्या बाजूचे झाड एकदम कडेला आले असते तर आणखी उठाव आला असता. चित्रात तीन मुख्य झाडे दिसतात. एक सूर्याजवळचे, दुसरे मधले आणि तिसरे उजवीकडचे. सर्वात उजव्या कडेला जी झाडी आहे ती टाळता आली असती तर चित्रात अधिक उठाव आला असता.
अर्थात ही वैयक्तिक मते आहेत. (चूभूद्याघ्या) चित्र उत्तमच आहे.

----

आता माझ्या लक्षात नाहीये की एकदम उजवीकडे मोठे झाड होते की झाडी होती. पण ती तिथे नसती आणि चित्रातले उजवीकडचे मोठे झाड जरा अजून उजवीकडे घेता आले असते तर चित्र अजून खुलले असते.

सर्वांना धन्यवाद..

अवांतरः सुर्याकडच्या डाव्या बाजूच्या झाडाला पाने आहेत. पण जसजसे सुर्यापासून दूर जाऊ तसे झाडे अभिक भकास होत गेली आहेत ;-) हे अर्थातच नंतर सुचलेले विचार..

अभिजित...
पाण्याची खोली तपासून तर उड्या कोणीही मारेल..जो न बघता उडी मारतो त्याचेच डोके फुटते. ;-)

धनंजय यांच्या सूर्य इत्यादी काहि मतांशी सहमत.. तसेच रंगांचा अभाव या कोलबेर यांच्या मताशी सहमत.

सोनेरी कड आणि त्या बाहेर काळी चौकट असती तर चित्र उठावदार झाले असते असे वाटले.
--लिखाळ.