मराठी विकि वर 'माहिती' च नाही?

उपक्रम या स्थळाची सुरुवात माहितीपूर्ण लेखन या उद्देशा साठी झाली आहे. या मुळे येथे हा विषय चर्चेला घेत आहे.

मराठी विकिवर मी नुकतेच सदस्यत्व घेतले. फेर-फटका मारतांना व कार्य पद्धती समजावून घेतांना अचानक पणे असे लक्षात आले की मराठी विकिपीडिया वर 'माहिती' हे पानच नाही. म्हणजे आहे पण त्यात काहीच नाही!
(त्यामुळे ते लाल रंगात आहे.) जरा धक्काच बसला. मग विचार केला की त्यात काय चला आपणच लिहु. पण लिहायला घेतल्यावर सुचेचना काही.
कारण "माहिती कशाला म्हणायचे" याची संकल्पना डोक्यात काही येईना. नेहमी प्रमाणे 'ज्ञान आणि माहिती वेगळे' वगैरे डोक्यात येवून गेले.
लगेच इंग्रजी विकिही चाळणार होतो आणि अनुवाद करणार होतो. पण मग विचार केला की मराठीतील माहिती साठी सुद्धा मला तिकडेच जावे लागावे?
मी तो विचार सोडून दिला, अगदी तेथे काय आहे ते ही वाचले नाही. कारण तसे काही वाचले की आपले विचार आपले न राहता त्यावर लिखाणाचा ठसा उमटतोच असे वाटले. स्वतःचाच काही आराखडा बनवला पहिजे असे ठरवले.

मग पुढे जावून असे वाटले की "हा तर उपक्रमींच्या हातचा मळ!"
सर्व उपक्रमींनी सांगितले की माहिती म्हणजे काय व का , की सहजतेने हा लेख इथेच संकलित होईल. सर्व प्रतिक्रियांचे माहिती या लेखात रुपांतरण करता येईल.

काय वाटते आपल्याला या 'माहिती' च्या उपक्रमा विषयी?
तुमचे विचार सांगा
माहिती म्हणजे काय व का?

आपला
गुंडोपंत