सूर्यकांतराव,
आपण पीएच.डी साठी 'वात्रटिका: एक स्वतंत्र साहित्य' प्रकार या विषयावर काही संशोधन करु इच्छिता त्यासाठी आपणास शुभेच्छा !!! मराठीत वात्रटिका लिहिणारे कवी मोजकेच असावेत रामदास फुटाणे आणि फ. मु. शिंदे ही दोनच नावे आम्हाला माहित आहे.
मात्र 'वात्रटिका' हा संशोधनासाठी स्वतंत्र साहित्य प्रकार कसा होऊ शकतो ? कवीतेतल्या प्रकारातला तो एक प्रकार. असो, आपण आपल्या मार्गदर्शकाशी या विषयी चर्चा केली नसेल तर चर्चा करा आणि मगच विषय निवडावा असे वाटते.

या विषयावर पुर्वी कोणी संशोधन केले आहे काय ? या प्रश्नाचे उत्तर माहित नाही, असेच द्यावे लागेल. आपण ज्या विद्यापीठात संशोधन करत असाल तिथे आतापर्यंत संशोधन झालेल्या विषयाची यादी पाहावयास मिळते, अशी सोय प्रत्येक विद्यापीठात असते.
किंवा विद्यापीठ अनुदान आयोग, नवी दिल्ली इथे त्याची संपूर्ण यादी मिळण्यास अडचण येणार नाही असे वाटते.

आपण डॉ. सदा क-हाडे यांचे संशोधन सिद्धांत आणि पद्धती हे पुस्तक जरूर वाचावे म्हणजे आपल्या संशोधन कार्यास योग्य दिशा मिळेल असे वाटते.

तुमचा अभ्यास वाढेल तसे आम्हाला विश्वासात घेऊन गमतीजमती सांगत राहा.

वर बिरुटे सरांना पडलेला प्रश्न अनेकांना पडू शकेल. त्याचा दोन अंगांनी विचार करावा
१. प्रबंधाचे नाव "वात्रटिका - एक स्वतंत्र काव्यप्रकार" असे ठेवावे
२. येथे जर "वात्रट"पणाचा अभ्यास करणार असाल - गद्य आणि पद्य वात्रटपणा दोन्ही समाविष्ट असेल, तर "वात्रटिका आणि विनोद : एक स्वतंत्र रसास्वाद" असे काही नावही ठेवता येईल

वात्रटिका साहित्य प्रकार नाही तर् काय आहे?तो जर कवितेचा प्रकार नसेल तर् त्याला काय म्हणायचे?

एका चांगल्या कामास आमच्याही शुभेच्छा.डॉ.दिलीप बिरुटे यांनी दै.पुण्यनगरी मिळवुन वाचला तर त्यांच्या माहीतीत भर पडेल.

आपला पी एच डी करण्याचा संकल्प अतिशय स्तुत्य आहे.
तरीही काही प्रश्न माझ्या मनात आले आहेत.

मी काही फार शिकलेला माणूस नाही,
त्यामुळे वावगे वाटून घेऊ नये ही नम्र विनंती.

१. आपल्या या संशोधनाने नक्की काय साध्य होईल असे आपणास वाटते?
२. या संशोधनाचा व्यवहारात काय उपयोग होईल हे सांगु शकाल का?
३. समजा आपण या संशोधनासाठी अनुदान मागत आहात, तर ते आपणासच मिळावे म्हणून आपण काय मुद्दे उपस्थित कराल? व का?
४. या संशोधनातून जे काही निष्पन्न होईल त्यातून आपल्या पुढील संशोधनाची दिशा काय असणार आहे?

आपला
अज्ञ आणि जरासा बुचकळ्यात पडलेला
गुंडोपंत