त्या पोरीकडून असे बालीश चाळे करवून घेण्यापेक्षा काहीतरी अधिक चांगले करता येतील. त्यासाठी जपानी हॉरर चित्रपट पाहण्याचा सल्ला या सर्वांना देता येईल.

ती मुलगी खरंच पिडित असेल तर मात्र चांगल्या डॉक्टरकडे न्या रे तिला.

आपली
(मांत्रिक नं.१) प्रियाली

सदर मुलगी ही मनोविकाराने पिडीत आहे. तिला मांत्रिकाची नव्हे तर मानसोपचार तज्ज्ञाची गरज आहे. अध्यात्मिक संशोधन येथ उपयोगाचे नाही. आम्हाला हा वैज्ञानिक मुलामा असलेली अंधश्रद्धा वाटते.या पार्श्वभुमीवर अनिल अवचटांचे "धार्मिक "हे पुस्तक वाचण्यासारखे आहे.
प्रकाश घाटपांडे

आई गं..........
हे लोक बघ् ना ग कसं करतायतं...
हे किनई मला किनी खोटं खोटं घाबलवताहेत..
पन मला पण माहितिए,तुमी छगल छग्ल खोट दाखवता.
आमि नाय घाबरत जा.....
ठेंगा..

छोट्याशा बालकाचे मन

व्हिडीयो फीती च्या उत्तरार्धात ते मांत्रीक / भुत, "जयुकाका चला ना खेळायला. संध्याकाळ झाली मग रात्र होईल. मग दोघांना कामावर जायचे आहेच" ;-) असा वेळेवर खेळुया असा आग्रह धरते आहे असे वाटते. [आवाज बंद करुन पहा]

पण काही म्हणा अशी मंडळी आहेत म्हणून अंनिस आहे त्याचे बरे वाटते.

भगवे कपडे घातलेली पहिली मुलगी आहे, ती लडाबडा लोळताना स्वतःला इजा करून घेऊ शकते - डोके टेबल-खुर्चीला आदळू शकते. शिवाय मध्येच तिचा हात विजेच्या एका केबलमध्ये आडकण्याची शक्यता होती. अशा प्रकारची इजा टाळण्यासाठी योग्य ती काळजी घरच्यांनी घ्यावी. फर्निचरच्या कोपर्‍यांना रबराच्या मऊ लाद्या चिकटवाव्यात. अशीच काळजी व्हिडियोचित्रण करणार्‍याने घ्यावी. व्हिडियोची केबल फरशीवर लोळू देऊ नये.

हिरवे कपडे घातलेल्या बाईंचे वागणे शारिरिक इजा करणारे नाही. माझ्या खिडकीत कोणी अनोळखी व्यक्ती अशी वागली असती तर मला आश्चर्य वाटले असते, आणि थोडी काळजी वाटली असती. तरी गजाच्या आत बसलेल्या व्यक्तीला ते वागणे फारसे विचित्र वाटत नाही असे दिसते. त्यामुळे हिरवे कपडेवाल्या बाईंचे तसे वागणे त्या प्रसंगी सामान्य असावे असे वाटते. संदर्भ माहीत नसल्यामुळे याबाबत माझे अधिक काही मत नाही.

काय वाटते?

१. हा अतिशय आक्षेपार्ह व्हिडीओ असलेला चर्चाप्रस्ताव शक्य तितक्या लवकर काढून टाकावा असे वाटते.
२. तथाकथित हिज होलीनेस बुवाच्या आणि त्याच्या समर्थकाच्या आपल्या स्वार्थासाठी लहान मुलींना वापरण्याच्या हालकटपणाची कीव करावीशी वाटते.
३. स्पिरिच्युअल हीलर (होलीxx!) बुवांना आपली अद्भुत शक्ती वापरून आपला संदेश थेट न पोचवता यूट्यूब सारख्या ख्रिश्चन लोकांनी चालवलेल्या, आधुनिक ('सनातन' च्या विरुद्ध) साधनाचा वापर करणे भाग पडावे याचे आश्चर्य वाटते.

सदस्यहो, सदर व्हिडीओ यूट्यूबवर "शॉकिंग अँड डिस्गस्टिंग" असा फ्लॅग करावा अशी विनंती.

नवीन यांच्या भावना मी समजू शकतो. (शॉकिंग अँड डिस्गस्टिंग). आणि , युट्युब वर हे चढवणार्‍यांचा प्रचारकी हेतुसुद्धा लक्षात येतो. पण मला असे वाटते की या निमित्ताने इथे थोडी ज्ञानवर्धक चर्चा झाली तर हा विषय इथे चालू राहू द्यावा. मुख्य म्हणजे , या प्रश्नांची मानसशास्त्रीय, सामाजिक बाजू , अंधश्रद्धा , त्यांचे निर्मूलन, ते निर्मूलन करण्याच्या चळवळीबद्दल साधकबाधक विचार या सगळ्यांची देवाणघेवाण होऊ शकते.

थोडक्यात विडियो चढविणार्‍याच्या प्रचारकी हेतूंविषयी निषेध नोंदवावा आणि याबाबतीतील संभाषण चालू ठेवावे.

चित्रगुप्त पापपुण्याचा हिशेब करण्यात मग्न असताना कदाचीत एखादे भूत त्याची नजर चुकवून पळालेले असेल :-)