प्रशासकीय धोरणे

या संकेतस्थळाची तुलना इतर संकेतस्थळांशी इतक्यातच करू नये ही विनंती. प्रशासकीय धोरणे यथावकाश स्पष्ट होतीलच. पण सदस्यांच्या सूचना/योजना यांची यथायोग्य दखल घेतली जाईल आणि निर्णयप्रक्रियेत सदस्यांचा सहभाग असेल याची खात्री बाळगावी.

सध्याच्या धोरणानुसार तुमच्या काही प्रश्नांची उत्तरे दिली आहेत.

१. हो.
३. लेखन प्रकाशित होण्यासाठी परवानगी लागणार नाही.
५. प्रयत्न नक्कीच करतील (नेहमी त्वरेने उत्तर देणे शक्य होईलच असे सांगता येणार नाही)
६. शुद्धिचिकित्सक आणि तसे इतर प्रक्रल्प मुक्त (मुक्तस्रोत) असावेत अशी इच्छा आहे. उपक्रम समुदायाचा वापर याकामी चांगला होईल असे वाटते.
७. नवे लेखनप्रकार आवश्यकतेनुसार बनवता येतीलच.

सर्वप्रथम मी ह्या स्थळाच्या निर्मितीबद्दल आपले अभिनंदन करतो.

प्रशासनाविषयी आपले विचार कळू शकतील का ?

- मिलिंद

नव्या संकेतस्थळाचे अभिनंदन.

परंतु इतर मराठी संकेतस्थळांप्रमाणेच या संकेतस्थळावरही 'आमच्याबद्दल' ही माहिती का नाही.

आमंत्रणाप्रमाणेच पारदर्शकताही आवडेल असे सांगावेसे वाटते.

अतिशय छान उपक्रम! अभिनंदन. आपण तत्परतेने सदस्यांच्या प्रश्नांना उत्तरे देता आहात हे पाहून बरे वाटले. भविष्यातही आपले असेच सहकार्य राहो.
परंतू अजुनही आपण कोण ह्याचा खुलासा केलेला नाही. ह्या वेबसाइटचे मालक चालक हे वेगवेगळे आहेत की एकच? प्रशासनाची जवाबदारी एकच व्यक्ति सांभाळते की अनेक? मागच्या (कटू) अनुभवांवरून हि माहिती उपलब्ध करणे गरजेचे आहे असे वाटते.

शुद्धिचिकित्सकाची सुविधा अद्याप उपलब्ध नाही का? मला सापडला नाही.

- वरूण

या नव्या आणि आकर्षक संकेतस्थळाच्या निर्मीती बद्दल अभिनंदन.
वर विचारलेल्या प्रश्नांची पार्श्वभूमी माहिती असल्याने त्यांच्या बद्दल सुरुवातीलाच विचारणा व्हावी यात गैर वाटत नाही.
येथील व्यवस्थापक तत्परतेने प्रतिसाद देताहेत हे पाहून आनंद होतोय. आपल्या उपक्रमास शुभेच्छा !
नीलकांत

प्रकाटाआ

सर्वप्रथम या संकेतस्थळाच्या निर्मितीबद्दल अभिनंदन.
वर विचारलेल्या काही प्रश्नांची उत्तरे जाणून घ्यायला आवडेल.
राजेंद्र

नमस्कार,
या चांगल्या उपक्रमाबद्दल हार्दिक अभिनंदन आणि अनेक शुभेच्छा.
--लिखाळ.

उपक्रम महाशय

ह्या प्रश्नावलीची सुरूवात मिलिंदने सोळा मार्चला १९:०२ ह्या वेळेस केली आणि त्याला आपलं पहिलं उत्तर २१:२६ ह्या वेळेस आलं. पण नंतर जरा गडबड झालेली दिसते. कारण मिलिंदचा पुढचा प्रतिसाद १८:०६ ला आला आणि त्याला तुमचं उत्तर १९:१८ ला आलं. ह्यावरून् दोन गोष्टी संभाव्य वाटतात् - एक तर सेवादात्याच्या घड्याळात काहीतरी गडबड तरी असावी किंवा मिलिंद आणि उपक्रम एकच् असावेत. अर्थात् हा "गैर"समजही असू शकतो म्हणा, पण अशा गोष्टींची खबरदारी घ्यायला ह्याबद्दल प्रशासकीय धोरणांत काही तरतूद आहे का?बघा बुवा, नाहीतर् उगाच् आरोपांच्या फैरी झडायच्या. ;)

शिवाय मिलिंदरावांना ह्या संकेतस्थळावरच्या बर्याच तांत्रिक बाबी माहित असाव्यातसं वाटतं कारण् त्यांचे प्रश्न फार खोलवर माहिती असल्याशिवाय् विचारता येणार् नाहीत.त्यावरून् आमच्या डोक्यात सर्किट (मिलिंद) आणि उपक्रम एकच् असावेत् अशी (कु)शंका आली हे ही जाता जाता नमूद करावेसे वाटते.

पण् आपल्या "उपक्रमा"साठी काही मदत लागली तर ती करायची तयारी आणि इच्छा आहे. शुभकार्याला शुभेच्छा!!

आपला, मंदार

ही चर्चा म्हणून मी प्रस्तुत करत आहे, पण ह्याचा रोख उपक्रमच्या कारभारींवर आहे. (आता प्रशासक म्हणायचं न्हाय मंग काय म्हन्नार्?!)

आपल्याला सवड मिळेल तेंव्हा जरा एक "members bill of rights" प्रकाशित करता येईल काय? मी प्रशासकीय धोरणांची चर्चा वाचली, पण त्यावरून नुस्ता अंदाज बांधता येतोय, प्रत्यक्षात धोरणं काय आहेत हे कुठे वाचता आलं तर मला फार आवडेल. त्याच बरोबर उपक्रम सदस्यांकडून काय सदाचाराच्या आपल्या अपेक्षा आहेत हे कळलं तर बरं होईल (मधुन मधुन आपण सूचना केलेल्या लक्षात येतात म्हणून म्हटलं)

अजून एक गोष्ट : "उपक्रम" ह्या संस्थेबद्दल (आणि पर्यायानी आपल्याबद्दल) काही माहिती दिली तर जरा बरं वाटेल. "मनोगत" ह्या संकेतस्थळाविषयी माझी एक तक्रार अशी होती की त्यांच्या प्रशासकांनी स्वतः बद्दल कधी माहिती दिली नाही. "उपक्रम" ही संस्था जर लाभार्थी (profit motive) कंपनी असेल तर मला आनंदच होईल, कारण त्यातून हे संकेतस्थळ टिकण्याची शक्यता जास्त आहे असं वाटेल. जर ही non-profit असेल तर इतर सदस्य ह्याच्या घडणीत मदतीचा हातभार देऊ शकतील. म्हणजे काहीही असलं तरी गुप्तता ठेवण्याचं कारण नसावं.

कळावे लोभ असावा,

खिरे
(माझ्या नावाबद्दल गुप्तता मी ठेवतो, पण गूगल / याहू वरुन सापडता येईल असा दुवा मला माझ्या व्यावसायिक दृष्ट्या पूरक नसेल म्हणून ही काळजी. वैयक्तिक पातळीवर मी माझ्याबद्दल माहिती देण्यास तयार आहे)

प्रशासक उपक्रम
आपल्या संकेतस्थळाचा सदस्य नुकताच झालो आहे. संकेतस्थळ उत्तम आहे. पण अशा प्रकारची संकेतस्थळे (उदा. मनोगत) व उपक्रम यांच्या धोरणात नेमका काय फरक आहे? म्हणजे फरक नसेल तर नवीन संकेतस्थळ नकोच असे माझे मत नाही, कारण जितकी जास्त संकेतस्थळे तितके मराठीसाठी चांगले (अर्थात् मराठी भाषा मृत्युपंथाला लागली आहे व त्याला अशा आणि या संकेतस्थळांमुळे जीवनदान मिळेल अशा भ्रमात मी नाही). तरीही फरक असला तर तो समजावा ही इच्छा !

आता संजोप राव उपक्रम म्हणजे व्हिव्हियन रिचर्डस व मनोगत म्हणजे संजय बांगर अशी टिप्पणी सुरू न करोत म्हणजे झाले!

विनायक

अवांतर - १. इथे ल हे अक्षर हिंदीसारखे का टंकित होते आहे?
२. मनोगतावर व इतरत्रही दीर्घ वेलांटीसाठी मनोगतावर ii व ee असे दोन्ही पर्याय चालायचे. इथे फक्त एकच चालतो.
३. कुठलाही अकारांत शब्द संपवताना त्याच्या शेवटी a हे अक्षर टंकित करावे लागते. नाहीतर पाय मोडलेले अक्षर टंकित होते. त्याऐवजी पाय मोडक्या अक्षरांसाठी वेगळी सुविधा जसे .h देऊन चालणार नाही का?
४. ज्ञ या अक्षरासाठी मनोगतावर dnya तर इथे jna असा फरक का?

नमस्कार,
जय महाराष्ट्र !
आजच या संकेतस्थळाचा सदस्य झालो.
हे तर मराठी माणसांसाठी एका मराठी माणसाने चालवलेले लोकशाहीतील संकेतस्थळ. संकेतस्थळ आपल्याला आवडले.
आपला
कॉ.विकि

(पुस्ती - श्री धोंडोपंत यांच्या निरोपाच्या उत्तरादाखल पाठवलेल्या निरोपातील मजकूर सर्व सदस्यांना मार्गदर्शक ठरेल असे वाटल्याने इथे देत आहे. "कोणत्याही विशेष व्यक्तिमत्त्वाच्या किंवा लोकनेत्याच्या स्मृतीप्रीत्यर्थ त्यांच्या जीवनावर, कर्तृत्वावर किंवा शिकवणुकीवर एखादा माहितीपूर्ण लेख तुम्ही लिहू शकता. फक्त अभिवादनाच्या चर्चाप्रस्तावापेक्षा असा एखादा लेख अधिक चांगली श्रद्धांजली ठरेल असे वाटल्याने संपादन मंडळाने तुमचा चर्चाप्रस्ताव अप्रकाशित केला आहे.")

नुकताच श्री. उपक्रमरावांचा निरोप आमच्या पत्रपेटीत आला.

त्यात उपक्रमरावांनी अत्यंत सभ्य शब्दात त्यांचे विचार मांडले आहेत. आणि आम्हाला उपक्रमावर झालेल्या मनस्तापाबद्दल दिलगिरी व्यक्त केली आहे.

आम्ही उपक्रमरावांच्या या निरोपाचे स्वागत करतो आणि त्यांनी दाखवलेल्या सृजनशीलतेचा आदर करतो.

आमचे उपक्रमावर लिहीणे हे उपक्रमरावांच्या उत्तरावर अवलंबून आहे, असे आम्ही पूर्वीच म्हटले होते.

उपक्रमरावांच्या निरोपातील सकारात्मक दृष्टिकोणामुळे आणि भूमिकेमुळे आम्ही उपक्रमावर येऊ.

आपला,
(संतुष्ट) धोंडोपंत

जाताजाता....

आम्ही उपक्रमीनां रु १६० ला पुंज लॉईड हा समभाग घ्यायचा सल्ला दिनांक ४ एप्रिल रोजी दिला होता. आज दिनांक १७ एप्रिल रोजी त्याचा भाव रु. १८४ झाला आहे.

म्हणजे १४ दिवसात १५% नफा या समभागाने दिला आहे.

आपला,
(आनंदित) धोंडोपंत